مختلف دال ہوں یا چاول ان کو لمبے عرصے تک کیڑے لگنے سے محفوظ رکھیں بتائے گئے طریقے سے تاکہ رہے ان کا ذائقہ بھی برقرار

اکثر خواتین دالیں اور اناج میں کیڑا لگنے کی وجہ سے پریشان رہتی ہیں۔ اب بات یہ آتی ہے کہ ان کو کیسے کیڑوں سے دور رکھا جائے۔ اس کے لئے آج ہم پیش کررہے ہیں چند ایسے گھریلو طریقے جن کی مدد سے آپ اناج کو محفوظ بنا سکتی ہیں۔
چنے اور مونگ کی دال کو آپ جس ڈبے میں رکھتی ہیں اس میں سب سے پہلے ثابت نمک کے دو سے تین موٹے ٹکڑے ڈالیں، پھر آدھی دال ڈالیں اور دوبارہ نمک کے ٹکڑے ڈال کر بقایا دال کو اس پر ڈال دیں اور ڈھکن بند کردیں۔ اس طرح آپ کی دال زیادہ عرصے تک کیڑوں سے محفوظ رہ سکے گی۔
ارہر کی چھلکوں والی دال میں سرسوں کا تیل ایک سے دو چمچ ڈالیں اور اچھی طرح ملا کر ڈبہ بند کرلیں ، اس سے یہ بھی کیڑوں سے بچ جائے گی۔
لوبیے کی دال میں ثابت کڑی پتے ڈال کر چھوڑ دیں یہ بلکل صحیح رہے گی۔
سفید چنوں کے ڈبے میں سوکھی لال مرچ چار سے پانچ رکھنے سے یہ کیڑوں سے پاک رہتے ہیں، اور کالے چنوں میں آپ سوکھے نیم کے پتے رکھنا مفید ہوتا ہے۔
چاولوں کو بچانے کے لئے ان میں ہلدی اور سرسوں کا تیل ملا کر رکھ دیں اس سے ان میں کیڑے نہیں ہوں گے۔اور آپ ہلدی نہیں ڈالنا چاہتی تو صرف نمک ہی مل کر اچھی طرح رکھ دیں یہ بھی مفید رہے گا۔

Sharing is caring!

یہاں کلک کر کے شیئر کریں

Leave a Reply

Your email address will not be published. Required fields are marked *