”2 سال میں مہنگائی تین فیصد سے 13فیصد پر چلی گئی، 5.8 فیصد ترقی کی شرح0.4 فیصد کیوں ہوئی؟ن لیگ نے حکومت کا کچا چٹھا کھول دیا“

اسلام آباد (این این آئی)پاکستان مسلم لیگ (ن) کی ترجمان مریم اورنگزیب نے وفاقی وزرا ء کی پریس کانفرنس پر ردعمل کا اظہار کرتے ہوئے کہا ہے کہ عمران صاحب میڈیا پر ڈھول بجانے سے دو سال کی منفی کارکردگی مثبت نہیں ہوجائے گی۔

ایک بیان میں انہوں نے کہاکہ دو سال میں ہر شعبہ کی تباہی، دو دن سے جواب نہیں آیا،دوسال میں 5.8 فیصد ترقی کی شرح 0.4 فیصد کیوں ہوئی؟ دو دن میں جواب نہیں آیا۔

انہوں نے کہاکہ دو سال میں 13000 ارب قرض لے کربھی نئی ایک اینٹ نہیں لگائی، دو دن میں جواب نہیں آیا؟،دو سال میں 80 لاکھ لوگ غربت کی لکیر سے نیچے کیوں چلے گئے؟ دو دن میں جواب نہیں آیا۔

انہوں نے کہاکہ دو سال میں 20 لاکھ لوگ بیروزگار ہوگئے، دو دن میں جواب نہیں آیا؟۔ انہوں نے کہاکہ دو سال میں چینی 52 سے110 روپے کلو، آٹا 33 سے 78 روپے کلو ہوگیا،

دو دن میں جواب نہیں آیا؟،دو سال میں بجلی کی قیمت میں50 فیصد سے زائد اور گیس کی قیمت میں 300 فیصد اضافہ ہوا، دو دن میں جواب نہیں آیا؟ دوسال میں ’سٹیٹ اونڈکارپوریشنز‘ کا خسارہ دوگنا ہوگیا، دو دن میں جواب نہیں آیا؟

دو سال میں ایک کروڑ نوکریوں میں سے کتنی دیں دو دن میں جواب نہیں آیا،دو سال میں پچاس لاکھ گھروں میں سے کتنے گھر بنے؟ دو دن میں جواب نہیں آیا۔

انہوں نے کہاکہ دو سال میں مہنگائی تین فیصد سے 13فیصد پر چلی گئی،دو دن میں جواب نہیں آیا؟۔

انہوں نے کہاکہ دو سال میں تاریخ کا سب سے بڑا بجٹ خسارہ دو دن میں جواب نہیں آیا۔ انہوں نے کہاکہ دو سال میں پالیسی ریٹ یا شرح سود 13.25 ہوگئی،

صنعتی شعبہ تباہ ہوگیا، دو دن میں جواب نہیں آیا،دو سال میں ایف بی آر ٹیکس وصولی کا ہدف تاریخ میں پہلی دفعہ پچھلے سال سے کم رہا،

دو دن میں جواب نہیں آیا؟۔دو سال میں روپے کی قدر میں 45 فیصد ریکارڈ کمی کے باوجود برآمدات مسلم لیگ (ن) کے آخری سال سے کم رہیں، دو دن میں جواب نہیں آیا؟

یہاں کلک کر کے شیئر کریں

Articles You May Like

Leave a Reply

Your email address will not be published. Required fields are marked *