گوجرانوالہ میں 16 اکتوبر کو ہر قیمت پر جلسہ ہوگا ن لیگ کا دو ٹوک اعلان

لاہور( این این آئی)پاکستان مسلم لیگ(ن) کے مرکزی رہنما سردار ایاز صادق نے کہا ہے کہ گوجرانوالہ میں 16 اکتوبر کو ہر قیمت پر جلسہ ہوگا،

جلسے کی کامیابی کے لیے عوام کے جوش و خروش سے ڈر کر حکومت کورونا کے پیچھے پناہ لینے کی تدابیر سوچ رہی ہے ۔

اپنے بیان میں انہوں نے کہا کہ حکومتی ذرائع سے معلوم ہوا ہے کہ کورونا کا بہانہ بنا کر جلسہ رکوانے کے لئے

عدالتی حکم نامہ حاصل کرنے کی کوششوں پر کام شروع کر دیا گیا ہے ،

ان حالات سے پتہ چلتا ہے کہ گوجرانوالہ کا جلسہ کامیاب ہو چکا ہے۔

دریں اثناپاکستان مسلم لیگ (ن) کی نائب صدر مریم نواز کی زیر صدارت سینئر قیادت کا اہم اجلاس جاتی امراء رائے ونڈ میں منعقد ہوا ۔

 ذرائع کے مطابق اجلاس میں احسن اقبال، سینیٹر پرویز رشید، رانا ثنا اللہ، محمد زبیر اور مریم اورنگزیب سمیت دیگر رہنما شریک ہوئے ۔

اجلاس میں پی ڈی ایم کے 16 اکتوبر کو گوجرانوالہ میں شیڈول کئے گئے جلسے،

 12 اکتوبر کی مناسبت سے احتجاجی مظاہروں سمیت حکومت مخالف تحریک کے مختلف مراحل پر تفصیلی مشاورت کی گئی ۔

 اجلاس میں حکومت کی جانب سے کسی بھی ممکنہ اقدام کے حوالے سے غوروخوض کیا گیا ۔

 اجلاس میں مسلم لیگ(ن) کے قائد محمد نواز شریف کو اشتہاری قرار دینے کے حوالے سے بھی غوروخوض کیا گیا۔

یہاں کلک کر کے شیئر کریں

Articles You May Like

Leave a Reply

Your email address will not be published. Required fields are marked *